განათლების სამინისტროსა და ეროვნული კინოცენტრის ერთობლივი პროექტი "კინო სკოლაში" წელს უკვე მეოთხედ ჩატარდა. ქალაქ რუსთავის 25-ე საჯარო სკოლა პროექტში 2014 წლიდან არის ჩართული. პროექტის ფარგლებში სკოლაში განხორციელდა უამრავი საინტერესო აქტივობა. (პედაგოგი: ცირა ნოზაძე)

10 დეკემბერს, კინოსტუდია "ქართულ ფილმში" გაიმართა პროექტის "კინო სკოლაში" გამარჯვებულების დაჯილდოვების ცერემონია.

პროექტის ფარგლებში სულ ოთხი კონკურსი იყო გამოცხადებული: საუკეთესო ფილმი, საუკეთესო პოსტერი, საუკეთესო რეცენზია, საუკეთესო კინოკლუბის ოთახი.

საუკეთესო პოსტერის კონკურსში რუსთავის 25-ე სკოლის მოსწავლემ თემურ ხეთაგაშვილმა გაიმარჯვა.

წლევანდელ პროექტში ჩართული იყო საქართველოს რეგიონის 216 სკოლა.